盧卡古頭槌建功先開紀錄。
盧卡古近門射入第二球。
普巴射失12碼。
福仔與巴士利衝突。
摩連奴暫舒一口氣。
屈福特反勝熱刺，開季4場贏晒。
藉著盧卡古包辦兩球，有拉舒福特被逐的曼聯作客以2比0擊敗般尼，中止英超兩連敗頹勢。
開賽3分鐘，紅魔中場連格禁區邊起腳，皮球貼柱出界。不久之後，該名英格蘭國腳接應路爾斯華倫西亞右路地波傳中撞射，皮球省中對方後衛達高斯基，再被門將赫特救出。及至27分鐘，阿歷斯山齊士左路精確傳中，盧卡古近門頭槌破網，為紅魔先開紀錄。上半場完結前，連格禁區邊起腳省中人彈前，盧卡古門前補射得手，令紅魔半場領先兩球。
換邊後，後備上陣的福仔於68分鐘博得12碼，但保羅普巴「碎步」主射被赫特救出。3分鐘後，「福仔」於底線被對方守將巴士利「抽水」踢跌後，輕力用頭撞對方而被球證趕出場，令紅魔少踢一人。盧卡古及後單刀推過赫特，但在對方後衛賓美 緊迫下射空門斜出，最終紅魔淨勝兩球。
同時間舉行的另一場賽事，屈福特藉著迪尼及卡夫卡特的入球，在主場以2比1反勝熱刺，開季4戰全勝。
【立即參加】請你免費試食上海姥姥「頭水紫菜」特色套餐！
