蔡俊彥於ViuTV直播賽事旁述張家朗16強對國家隊的莫梓維，披露對方一直有舊患，明言「希望就觸發到（舊患）啦」(電視畫面)
香港隊劍手張家朗於巴黎奧運衛冕男子花劍金牌，昨晚至今晨全港市民都收看直播支持，忙過不停，張家朗的港隊隊友及前隊友都在各大電視台擔任旁述，其中隊友蔡俊彥（Ryan）於ViuTV直播賽事旁述16強對國家隊的莫梓維，披露對方一直有舊患，明言「希望就觸發到（舊患）啦」，其言論惹爭議，及後蔡俊彥於社交平台為失言道歉。
《am730》巴黎奧運專頁 支持香港運動員
網民撐蔡俊彥︰佢評述得唔錯
張家朗於昨晚16強賽事以15:10擊敗莫梓維，比分8:6的時候，莫梓維一度右腳跣腳受傷要接受治療，蔡俊彥旁述時指，據知莫梓維的腳本身有舊患，明言「唔知有冇觸發到舊患，希望就觸發到（舊患）啦」，另一旁述立即打圓場：「總知希望張家朗贏啦！」。
蔡俊彥言論惹起網民爭議，批評離譜不應是運動員的說話，「呢啲咩旁述」、「希望其中1個運動員受傷？」、「有些説話不應該在Live講出來」、「心入面諗好喇，講出黎就無晒體育精神」、「佢自己都係運動員黎架，呢啲笑可以講？」。不過，亦有網民指出蔡俊彥今次旁述表現不錯及風趣，或是一時口誤，「佢評述得唔錯架，不過今次戥佢擔心」、「佢評論規則都算淸楚！」。亦有網民為蔡俊彥開脫，「佢又唔係真係做開主持，支持自己朋友好正常啫」、「我覺得佢好好笑」、「只係肉緊咗，大家畀次機會」。
巴黎奧運｜張家朗衛冕金牌 寄語港人不要放棄
巴黎奧運｜香港電台、ViuTV、HOY TV、TVB免費直播開幕禮爭收視（附直播連結）
已向莫梓維講對唔住 「遲啲請唱K食飯」
張家朗及後晉級後，蔡俊彥隨即為自己失言於社交平台Threads公開致歉及解釋，他留言說：「對唔住講到好似同frd傾計（偈）咁，係到（度）嘴炮對手，絕對唔應該咒對手受傷，絕無此意，會注意表達方式。」有網友追問：「你是口誤還是心底話？」蔡俊彥即再回覆：「不是口誤但非心底話，只是與朋友之間非常低俗的笑話，不應展示在電視節目中，非常抱歉。」他亦於節目解畫稱，「其實我同莫梓維都好friend㗎，唔係存心講嗰句說話，我都同佢講咗對唔住。希望遲啲佢來到香港請佢唱K食飯。」
巴黎奧運｜港九直播商場盤點 港鐵直達！送過百萬獎品＋巴黎來回機票（持續更新）
立即更新/下載AM730手機APP 體驗升級功能
