屯門邁亞美海灣高層海景連露台戶，租約一完結，交吉不足半個月，即以638萬元易主。
屯門臨海屋苑邁亞美海灣，一伙附有露台的高層海景戶，屬屋苑罕有放盤，但因連租約放售，不設睇樓，放賣半年一直無人問津，惟單位近日交吉不足半個月即沽出，呎價唔使1萬元。
祥益地產執行董事盤嘉茵表示，最新促成邁亞美海灣4座高層B室成交，實用面積643方呎，單位於今年1月以730萬元連租約放盤，期間業主雖曾多次調低叫價，但因有租客居住，未能安排睇樓，故一直乏人問津。直至6月下旬，單位租約期滿交吉，旋即吸引多枱客人參觀睇樓，最後交吉不足兩星期，便獲同區用家承接。
屯門邁亞美海灣連露台的全海景單位放盤不多，吸引同區用家入市承接。(代理提供)
睇樓逾40個盤 鍾情有露台望全海
她指出，該新買家前後已參觀逾40個放盤，鍾情上址單位為海景露台戶，盤源矜貴，享有無敵海景，十分吸引，遂以638萬元承接上址自住，以實用面積計，平均呎價9,922元。據悉，原業主於2015年以約575萬購入上述單位，持貨9年至今轉手，帳面獲利約63萬元，升值約一成。
即睇屯門邁亞美海灣放盤(HOUSE730)
立即更新/下載AM730手機APP 體驗升級功能
