2022-02-08 19:40:47

收緊防疫｜唔打針唔能夠經商場返屋企？即數有邊啲屋苑

第五波新冠肺炎疫情大爆發，特首林鄭月娥宣布，延長現行社交距離措施至2月24日，並擴大法例第599F章下的表列處所涵蓋範圍，除現有的食肆、酒吧等17個處所外，宗教場所、商場、百貨公司、超級市場、街市/市集及髮型屋/理髮店將會納入表列處所範圍，於2月24日、「疫苗通行證」生效首日起進入相關處所必須掃描「安心出行」及展示疫苗接種記錄，而學校、大學、公營機構辦公室亦將引用其他規例推行通行證。林鄭月娥形容有關措施「強勁」，但並非強制打針，認為現時只是令市民「不方便」，「如果唔打針，唔能夠經過商場，返唔到屋企，佢一定不方便，但一定可以搵到另一條途徑走嘅」。

此話一出惹來網民評論，皆因現時本港不少屋苑出入口連接商場，對於屋苑住戶出入十分便利，尤其港鐵站上蓋屋苑，如元朗YOHO、青衣盈翠半島、九龍灣德福花園等。縱使不經商場亦有通道回家，惟居民需要「兜大圈」，如德福花園住戶若於九龍灣站落車後不經商場，可能需要花多約15分鐘時間。

至於有網民指，新蒲崗譽港灣居民出入大堂於Mikiki商場入面，或需管理公司開放行車道予居民才可；亦有網民稱九龍站上蓋屋苑若不計停車場通道的話，基本上「無一倖免」，不過對於要帶客睇樓的地產代理而言，就只有經過商場平台前往屋苑大堂的方法。另外，網民「苦中作樂」諗不同方法返屋企，如遁地、舞空術，甚至周星馳嘅電影《國產凌凌漆》入面嘅「喼神」。

返寓所或辦公地點屬合理辯解

被問到其他豁免情況，食物及衞生局常任秘書長(衞生)陳松青指，部分特殊情況，例如購買外賣、領取物品、進行必需維修工作、接受疫苗接種診治、接受檢測或參與任何法律程序將獲准豁免，法例亦訂明若有合理辯解可獲豁免。他舉例指，若市民必須經過商場才能進入寓所或辦公地點，便可視為毋須遵守通行證的規定，但他強調，若市民的工作地點在商場範圍內則不適用。