家庭租客以820萬入手映灣園三房套戶，成交價較市價低3%至5%。
買樓要睇budget，要搵到啱價又啱心水的靚盤，當然需要「做功課」，了解多些市況，同時也要遇到啱傾業主，才能買到心頭好！利嘉閣地產皇牌屋苑藍天海岸一行助理分區董事劉景駿表示，該行新近促成東涌映灣園6座低層D室的二手成交，單位實用面積約702方呎，三房套間隔，外望東南山景，成交價820萬元，折合實用面積呎價約11,681元。
單位外望東南山景及少許海景，晚上景致清靜舒適。
睇好東涌前景 睇啱即落力議價
劉景駿稱，買家本身是租客，因家中有小朋友，所以想買三房連套房的單位，讓家人住得更舒適。由於其買樓budget是900萬元以下，經過一輪網上搵樓後，最後覺得東涌區物業性價比高，加上睇好日後機場及東涌發展潛力，遂積極物色該區樓盤。而上述單位原業主見該買家爽快兼有誠意，是真用家，雙方經過大約一星期議價後，原業主由原本叫價870萬元，減價至820萬元成交。
劉景駿續稱，現時同類型單位成交價為850萬元左右，上述單位造價較市價低3%至5%；而原業主於2011年底以460萬元購入上址，持貨約11年，轉手帳面獲利約360萬元，期內物業升值約78%。另外，映灣園本月暫錄12宗二手成交，入場費650萬元起。
🎁 amJetso送全新Tempo掛牆式廚紙，立即開APP玩👇 👇
