元朗尚豪庭低層兩房戶，最新以560萬元易主，新買家為區內租客，趁平入市做業主。
樓價回落，不少租客趁機入市做業主。中原地產元朗教育路分行副區域營業經理溫旭銘表示，目前樓價已大幅回落，息口亦見頂，吸引買家趁低入市。分行新近促成元朗尚豪庭1座低層A室成交，單位實用面積515方呎，屬兩房間隔，原本叫價580萬元，現減價20萬元，即以560萬元成交，折合實用呎價10,874元。
原業主揸手7年 帳面微蝕9萬
溫旭銘指，新買家於元朗租樓多年，見樓價相比高位已回落近三成，目前水平價格吸引，加上租金一直上升，長遠計買樓比租樓划算，遂趁樓市已回穩，趁平入市上車。據悉，原業主於2017年4月以569萬元買入上述單位，持貨7年轉售，帳面微蝕9萬元，再另加當初買樓時的使費離場。
即睇元朗尚豪庭錄放盤(HOUSE730)
立即更新/下載AM730手機APP 體驗升級功能
