荃灣私樓一房「4球」有找 母親陪睇樓兼俾50%首期助兒子上車｜二手樓成交
二手市況弱勢持續，再有收租客決定棄守套現，有買家趁機「上車」，更獲母親資助一半首期入市。
市場最新錄得荃灣縉庭山1座中層F室成交，實用面積約282方呎，一房間隔。據悉，原業主購入單位投資收租，租客於6月份搬走後，即時決定「轉租為售」止賺離場。單位最初開價500萬元，及後下調至430萬元，最後以399.8萬元沽出，累減100.2萬元或約20%，呎價約14,177元。
劈價兩成沽出 呎價1.4萬
據區內代理透露，新買家為首置客，因未有任何睇樓及置業經驗，故帶同有買樓及投資物業經驗的母親一同睇樓，鍾情單位裝修企理及屋苑間隔和景觀，睇樓後「心大心細」未能下決定，母親有見樓價經已調整一段時間，兒子若鍾意可放心購買，即時資助樓價一半作為首期，結果即場還價並達成交易。
原業主於2009年以199.5萬元一手買入單位，持貨約15年，是次轉手帳面獲利200.3萬元，物業期內升值約1倍。
🎁 amJetso送全新Tempo掛牆式廚紙，立即開APP玩👇 👇
