丁子朗受TVB力捧，早前舉行嘅《萬千星輝頒獎典禮2023》仲擔大旗單飛任主持。
現年26歲的丁子朗一直受TVB力捧，早前舉行嘅《萬千星輝頒獎典禮2023》仲擔大旗單飛任主持，明顯備受重用。昨日，丁子朗在社交網出PO宣傳新款手機，同時公開兩張新相，照片一出即引來網民熱議，紛紛表示認不出相中人就是丁子朗，有網民表示「我唔討厭丁丁，但希望外貌唔好再進化。」照片所見，丁子朗跟平時樣貌頗大出入，再仔細望清楚，拿着手機的子朗，右手食指似乎嚴重變形，懷疑照片經修圖後才出街，丁子朗此舉唔知係咪想介紹該手機有修圖功能。
丁子朗在2016年參選香港先生入行，當年他以19歲之齡勇奪亞軍、最上鏡先生、現場最受歡迎香港先生，並放下學業從加拿大返港發展。去年，丁子朗自言想走出舒適圈及挑戰自己，繼而決定參加偶像選秀節目《亞洲超星團》，不過其韓風妝容惹來一面倒劣評，網民認為都比較鍾意他以往的陽光形象。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
