蔡一傑、吳若希等，前晚出席遊戲節目《娛樂大家》的錄影，蔡一傑稱，自己其實不太愛玩遊戲，談到即將舉行首個個唱，問蔡一傑會否乘機找汪明荃(阿姐)做嘉賓，他稱阿姐即將要演粵劇，不敢打擾對方。
蔡一傑表示，之前也有看這個節目，但不懂遊戲規矩，他說：「自己唔係一個鍾意玩遊戲嘅人，不過最近多玩咗一啲個人遊戲，好似游泳，(是否為了個人演唱會鍛煉？)其實一直都有練開，不過依家練得多一啲。」說到首次舉行個唱，他表示不太緊張，「其實咁多年嚟，自己響世界各地參加過唔少大大細細演唱會演出。」問到會不會趁著參加節目的機會，邀請汪明荃擔任嘉賓，他續說：「知道阿姐就嚟有粵劇演出，所以唔敢打擾佢。」
梁舜燕離世 吳若希難過
甚少露面的吳若希表示，因女兒要上學，正忙於訓練她上廁所，希望開學後女兒識上廁所。因拍劇與梁舜燕結緣的吳若希，在現場得知對方逝世的消息：「當然好難過啦，梁舜燕係一位好有親切感嘅前輩，本來約咗佢一齊睇劇集首播，可惜未能如願。」
問吳若希可擔心女兒不願上學，她稱在試堂時囡囡玩得很開心，故不擔心。
入App免費換走健康產品
