古淖文、谷婭溦唱《Bad Boy》，現場獲最多掌聲。
TVB真人騷《中年好聲音 2》昨晚播出《決賽前哨戰！歌手助力賽！》，8強選手聯乘8位歌手合唱，劉威煌找來導師彭家麗合唱林曉培的《煩》，來到關鍵的準決賽，威煌膽生毛挑戰唱rap，可惜因為緊張表演不出水準，伍仲衡評分說：「有咩理由semi final試新嘢，你嗰段rap係令我更加扣分，唔好喺比賽嘗試唔擅長嘅嘢！」最終威煌僅獲82分， 在累積排名榜包尾，8強止步。
伍Sir叫淖文要再曳啲、妖啲。
昨晚一集亮眼選手絕對是古淖文，他與「恩師」谷婭溦合唱《Bad Boy》，兩人以型爆黑銀look上陣，溦溦大玩透視誘惑晒小背心，非常惹火。兩人high爆唱跳唱《Bad Boy》引爆全場氣氛，婉婉更笑言兩人合唱像「麻辣火鍋」，最終他們獲得95分佳績，平了大魔王安雅希創下的95分紀錄，亮眼表現有望衝擊冠軍寶座。對於淖文的演出，伍仲衡說：「你好屬於舞台，你係今屆加埋上屆one of the most壓台，點解未俾到19分？因為我覺得未夠曳！」給了滿分20分的陳慧嫻笑言：「伍sir你後知後覺啦，我一早話咗佢係巨星嚟。」
劉威煌揀錯歌兼試新嘢就出事，無緣決賽。
amJetso 送BIODERMA救星小紅瓶🩷護膚恩物 立即按此參加👇
