譚輝智與韋綺姍合唱《That’s why you go away》。
黑馬譚輝智與韋綺姍(Rita)合唱英文歌《That’s why you go away》，輝智賽前坦言與Rita老師合作壓力大，但到正式比賽時，首度挑戰英文歌的他與Rita默契十足，唱出歌曲的傷痛感覺，周國豐笑言：「你雖然做到個痛苦表情，但你個樣俾我聯想到去廁所去唔到個表情！」張佳添說：「呢首歌除咗係英文之外，其實冇乜嘢可以俾到你發揮，你有嘗試用感情去push自己突破框框，但無奈做到有少少急屎嘅感覺！」伍仲衡則笑言：「輝智你做漏咗樣嘢，你要錫Rita老師一啖，你有冇睇吳大強舊年咀咗佢一嘢？」非常搞笑。
輝智唱歌表情被笑指似屙唔出屎。
伍仲衡教你Define假音
顏米羔孖吳業坤挑戰高難度《浮誇》，兩人一爆一靜擦出不一樣火花，雖然米羔演出充滿激情，惟他的假音被批出事，張佳添說：「呢首歌係啱米羔唱嘅，但你要練多少少假聲、換氣，呢首歌係超高難度。」伍仲衡則直言：「聽得出你啲假音太假，真正嘅假音係假得嚟真，輕得嚟重，無力得嚟有力，你可能要研究點唱假音！」至於哪7位選手能殺入決賽，密切留意今晚播出的《中年好聲音2》。
顏米羔、吳業坤二人合作挑戰《浮誇》。
伍仲衡指米羔啲假音太假。
amJetso 送BIODERMA救星小紅瓶🩷護膚恩物 立即按此參加👇
