經典教育廣告「打波先嚟落雨」四眼男孩鄭仲軒（Eric）已由當年嘅純情小男孩變成爆肌大隻仔
相信唔少人曾經都成日喺屋企睇電視，甚至連廣告汁都會撈埋，所以唔少陪伴港人成長的電視廣告，至今依然記憶猶新，當中必定包括社會福利署2001年生命教育廣告對白：「打波先嚟落雨，唔通連個天都唔鍾意我？」。
參加過唔少健身比賽
相隔23年，廣告中嘅四眼男仔已經長大，仲由當年嘅純情小男孩變成爆肌大隻仔。近日佢前往新城電台接受節目《QK玉瑛室》訪問，期間大爆當年拍廣告嘅感受。
相隔23年，廣告中嘅四眼男仔鄭仲軒（Eric）已經長大成人，當年嘅純情小男孩已經變成一個爆肌大隻仔。醉心於健身嘅佢，現時已經幾乎全身爆肌，仲參加過唔少健身比賽，更試過獲得冠軍，目前仲開設健身中心及擔任健美比賽評判。
當人生體驗及爭取曝光
近日由譚玉瑛及何基佑主持嘅《QK玉瑛室》邀請鄭仲軒擔任嘉賓，佢就話現時唔係太想有人認得出佢就係廣告中嘅四眼男仔，而佢自己亦冇主動公開身份，原因係佢覺得唔係一件值得講嘅事情。
之後，鄭仲軒再話當年佢拍完呢個廣告後，返學嘅時候曾經被同學取笑過，佢喺離開校園及投身社會後都冇同人講過，係被朋友出賣。對於呢個廣告係香港人心目中嘅經典，佢就覺得係一個好有趣嘅回憶。佢仲話之前好抗拒，不過而家人大咗就唔覺得係一回事，當人生體驗及爭取曝光。
原文刊登於 Yahoo 娛樂圈
🎁 amJetso請你睇《焚城》，快Ｄ開APP玩👇 👇
