張與辰勇奪今集最高分，兼再度成為MVP。
昨晚播出的一集《中年好聲音3》，獻唱slow jazz版《拒絕再玩》的張與辰，奪得嘉賓評審潘偉源選出的MVP，以及全場最高分99分，就連出名手緊的周國豐，經過45秒時間的掙扎後，終給出20分滿分。對於再奪MVP，張與辰大感興奮，並笑言今次終於唔使喊：「上次喊得好肉酸，今次可以唔使喊笑住喇，阿媽我得咗喇！」
歌聲極具個人風格的善玥澄，昨晚僅獲85分，她以累積分數20分成為最終第9名，9強止步。一再淚灑舞台的善玥澄，坦言對名次感到開心，並哽咽感謝首度來觀戰的母親，一直無私支持：「呢幾個月入面，每一次比賽，媽媽比我更加早起身，因為佢驚我聲沙同唔夠力唱，會準備好多開聲嘢飲俾我，有時會煮埋飯俾我帶嚟電視城食，所以我覺得最辛苦係媽媽。」
【立即參加】送Rollink全球最輕薄可摺疊手提行李箱🧳！
