劉傳民好有迪克牛仔、動力火車Feel。
今晚《中年好聲音3之決戰新馬》共有10名參賽者登場，當中有幾位甚有明星相，分別是劉傳民、莫健發和馬戎翰。50歲的劉傳民報稱職業是酒店食材供應商，紮了一條馬尾的他獻唱《有多少愛可以重來》，外形黑黑實實的他酷似組合迪克牛仔、動力火車的成員，來自馬來西亞的他自爆今次是人生首度來香港，並拜祭了偶像Beyond成員黃家駒。
40歲的音樂老師馬戎翰獻唱《我有我愛你》，眼仔睩睩的他生得青靚白淨，與李思捷撞樣，婉婉笑言：「頭先以為做緊《思家大戰》。」至於58歲的莫健發是一名新加坡演員，演出作品超過100部，他獻唱《得不到的愛情》時扭身扭勢，台風十足，加上外形與任賢齊相似，搶去不少焦點，惟他唱歌時哭腔泛濫，伍仲衡笑言：「你呢個版本我稱之為打思噎，要飲多啲水！」
王鄭浚仁完美駕馭假音轉換獲伍仲衡好評
36歲的服裝銷售員王鄭浚仁實力不容忽視，獻唱《同花順》的他完美駕馭假音轉換，演出獲得一致好評，周國豐說：「呢首歌超級難，你除咗喺技巧上控制到呢首歌，仲有感情發揮到出嚟。」出名奄尖的伍仲衡同樣大讚：「你有一樣嘢我鍾意，You don’t show off， 你好自然咁將情感流露出嚟，你第一段出嚟已經懾咗我入去，你啲中低音好好聽，同埋You know how to tell the story，Very Good。」
伍仲衡大讚王鄭浚仁唱功。
amJetso 送BIODERMA救星小紅瓶🩷護膚恩物 立即按此參加👇
