「城寨四少」戲裡戲外盡見默契。
《九龍城寨之圍城》喜訊浪接浪，港澳總票房已衝破1億，在海外亦獲讚譽，繼入圍康城影展「午夜單元」後，亦入圍第二十八屆富川國際奇幻電影節（Bucheon International Fantastic Film Festival），並獲選閉幕電影。為慶賀新喜訊，電影公司發放一條最新製作特輯《城寨四子篇》，片尾彩蛋見四子與導演完成殺科戲，而在魚排乾杯慶祝，其間更有不只一人落下男兒淚，戲裡戲外盡見四子情誼。
在製作特輯中，古天樂、城寨四少與導演鄭保瑞分享感受，林峯說：「基本上大家好有默契，好快就捉到自己角色。」劉俊謙說：「某啲動作做極都做唔到，我哋拍攝時會互相鼓勵，不知不覺令大家進入角色。」張文傑說：「我哋有時會試點演，但我哋唔會認真試，會玩着搞gag，但邊搞在埋位時就撞出火花。」
古天樂似龍捲風 愛惜後生仔
將於7月12日出席富川國際奇幻電影節首映禮及紅地毯儀式的鄭保瑞表示，「好想搵香港新一代演員合作，我睇過佢哋作品，佢哋嘅氣質幾似漫畫中角色，而要搵一個有啲經歷嘅人，這個年齡層，林峯是個好選擇。龍捲風幾愛惜後生仔，佢仲喺關鍵時刻都幫過呢幾個後生仔，搵演員時我直接諗起古仔，一個有經驗演員，喺呢個圈有位置，佢同一班年青演員關係，佢有適當高度，但唔會有好大距離，呢種關係幾似龍捲風同佢哋嘅關係。」胡子彤說：「龍捲風基本上就等如城寨。」古天樂說：「我嘅角色係唔想佢哋去繼承呢個地方，而係守望相助去幫助城寨每個人嘅生活。」