鄭世豪實測用膠袋包腳搭地鐵。
天文台昨晚（7日）11時05分發出黑雨警告，多處地區出現嚴重水浸，交通亦大受阻礙，藝人鄭世豪就在社交網分享他回家的過程，並自言算是比較幸運的一位。鄭世豪昨晚教完唱歌班後離開，才知道外邊橫風橫雨，他更想出妙法，用膠袋包住雙腳，笑言：「實測~防水掂啊」他再續指：「我諗我算係比較幸運的了，昨晚教完班成12點至發現，原來黑色暴雨惡劣成這樣子。平時已經無晒人的旺角，成條街都係人，大家都在等巴士，Call車等等…搵方法回家。而我的尾班巴士不見了，的士也沒有可能有，好在趕得切尾班地鐵，去到最近家的站，千辛萬苦終能行得到回家！希望大家都冇事，平安如常啦！」最後，鄭世豪大約凌晨兩時順利回到家。
至於何雁詩，雖然已經安坐家中，但一樣遭水浸困擾，她在社交網分享家中水浸片段，片中見雨水從天台後樓梯湧入家中，她卻忙於清理，寫道：「人生未試過拖咁耐地！尋晩臨瞓前發現屋企開始水浸，好在發現得早，仲有師傅係裝修時提我地要起嘅門檻，咁先無全屋泛濫。咁大個女都末見過香港有咁嚴重嘅水浸，大家真係要小心呀！希望大家都平安平安，辛苦啦！！」其後，她再發文問鄰居：「請疏通屋頂上的排水溝，愛你」
amJetso 送BIODERMA救星小紅瓶🩷護膚恩物 立即按此參加👇
