陳松伶為了高度要與陳敏之睇齊，不惜行路困難也要著高踭鞋。
陳松伶、車婉婉、呂珊、狄易達等，前晚為《流行經典50年》錄影，眾人更為主持譚嘉儀送上蛋糕慶生。陳松伶以嘉賓主持身份主持節目，為了與另一主持陳敏之高度睇齊，陳松伶特別著上4吋高踭鞋，又說因版權問題，不能演唱兒歌，令樂迷未能重溫一代兒歌天后的風采。
陳松伶指，將任4集主持，問到會否繼續主持，她笑說：「陳敏之又叫我多主持幾集，我冇所謂，當像唱卡拉OK，不過好多版權問題。」她透露，這集會演唱經典歌曲《天涯歌女》的歌曲，問到會否演唱經典兒歌，她說：「好難攞到版權，所以應該唱唔到，自己都覺得非常可惜。」陳松伶又笑稱：「今次為咗同陳敏之一樣高，特登著對好高嘅高踭鞋，依家行路都有啲困難。 」
問到有否趁度假造人，陳敏之坦言沒有刻意，但都想追個女B。
勝在夠高 陳敏之滿意平坦身材
這日選擇性感上陣的陳敏之笑說：「我都係聽從公司形象指導叫我咁著，可能佢想我演繹平坦美，自問自己身材真係唔太好，勝在夠高，反而覺得咁樣舒服啲，因為我永遠唔會有玲瓏浮凸嘅效果。」提到早前她一家人到泰國度假，陳敏之表示：「我一去到酒店就著上咗佘詩曼設計嘅泳衣，特登未落水前影張相，佢設計得好好。(會否叫她送多幾套？)佢已經送咗好多套俾我，我仲未得閒影相放出嚟。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
