冼靖峰工作機會愈來愈多。
冼靖峰(Archie)早前與方皓玟(小明)於《J Music》合唱《分手總約在雨天》，之後兩人被影到尖沙嘴餐廳食飯撐枱腳，疑似發展相差18年的姊弟戀。而日前方皓玟開直播回應緋聞，直言：「食個飯比人傳緋聞。」
昨日Archie出席《萬眾同心公益金》活動，被問到擇偶條件是否較喜歡姐姐，他說：「呢方面自己冇定限，最緊要合眼緣，(方皓玟合眼緣嗎？)只會當小明係前輩，我有傳短訊俾佢講唔好意思，唔想影響到前輩。」Archie指，自己身份是偶像，暫時工作為先，不打算拍拖。
Windy與冼靖峰合唱，為公益金籌款。
談到LOONG 9拍手簽名會於6月9日舉行，同日MIRROR的陳卓賢(Ian)亦會在銅鑼灣舉辦生日展覽，Archie說：「我哋唔係踩場，同上次取消同一場地。」他稱唔介意LOONG 9被拿來跟其他男團作比較，「我覺得樂迷有得揀係好事，良性競爭先會促進樂壇發展，大家都做得好啲。」提到《聲夢傳奇3》開始招生，「感覺自己又老咗，有興趣唱歌嘅朋友可以參加，俾《聲夢》呢個家庭擴大啲。」
LOONG 9拍手簽名會撞正MIRROR的陳卓賢的生日展覽。
amJetso 送BIODERMA救星小紅瓶🩷護膚恩物 立即按此參加👇
