2020年港姐季軍郭柏妍（Rosita）喺「處女作」《白色強人II》飾演患有驚恐症兼慘被的士司機性侵病人程可欣，成功獲得網民關注，大讚佢有樣有演技，絕對有潛質上位。備受力捧嘅Rosita近日跳出電視框，進軍電影界，拍攝處女電影。
現年24歲嘅郭柏妍，憑樣子甜美及大方得體成為2020港姐大熱，獲得季軍後加入TVB，出道兩年嘅佢率先跑出，除咗早前播出嘅《青春不要臉》、《雙生陌生人》及《白色強人II》之外，佢仲有份參演《旁觀者》、《破毒強人》、《下流上車族》及《美麗戰場》。除咗拍劇之外，佢亦有做過主持及為唔少綜藝節目擔任嘉賓。今次佢出道短短兩年便有機會拍攝電影，上位速度真係快過過山車呀！
amJetso 送BIODERMA救星小紅瓶🩷護膚恩物 立即按此參加👇
