2021-06-29 22:47:00

刑偵日記｜唔止合唱仲一齊拍劇王浩信菊梓喬想孖住搵錢

王浩信(Vincent)及菊梓喬(Hana) 繼三年前的一首合唱歌《欲言又止》後，再一次為新劇《刑偵日記》合唱插曲《蝴蝶效應》。二人日前就為新歌拍攝 MV，今次的拍攝場景非常復古好有味道，Vincent 亦大讚：「呢個場景勁有 feel，可以話係一卡車廂，又可以話係一間旅店，個感覺就好似一條時光隧道，俾人好大嘅幻想空間，好配合自己響劇集入面角色嘅內心世界，多重人格抽離現實，好多謝導演嘅心思。」

他們表示開心可以再有機會合作，今次更一齊參與劇集拍攝，並有不少對手戲，所以合唱及拍 MV 時更有火花更容易投入感情。Hana說：「今次係自己第一次正式拍劇，對住好多好專業嘅一級演員，學到好多嘢，好正！Vincent 好照顧人，就好似拍 MV 嘅時候，我哋兩個嘅身高實在好有距離，佢會主動提出除咗對鞋去遷就我，好 sweet。」