獲網民封為「民選視帝」的劉俊謙(Terrance)，原來有鋪「睇戲癮」，自爆曾在家中看片看足6至8個小時︰「有時一日連三、四套戲接戲，更試過一次過煲完整季八集美劇True Detective《刑警雙雄》。」他又透露自己有選擇困難，所以每次看戲前，必先瀏覽電視介面上每一頁電影目錄，由頂睇到底查閱上架電影，直至揀到最後一頁才「滿足地」於數百套電影中揀出最想睇的一套。
問到他心目中最Men男演員是哪一位，Terrance表示：「我睇戲都好雜，睇戲跟心情。如果問到我覺得最Men男演員，第一個會係主演《上流寄生族》嘅宋康昊，佢有一種市井感覺，好多男演員去到佢咁嘅級別，都會有一種明星光環喺佢身上，但宋康昊無，佢都係有一種好平民嘅感覺，係我好鍾意；第二位就係曾演出《霓裳魅影》(Phantom Thread)嘅丹尼爾戴路易斯(Daniel Day-Lewis)，佢嘅Men嚟主要嚟自佢嘅多變同彈性，佢好enjoy 化身成每個角色，成為另一種人，佢呢種願意將自己Transform係好Men；第三個主演《小丑》(Joker)的華堅馮力士(Joaquin Phoenix)，佢嘅Men係嚟主佢嘅脆弱，佢每一個主演的角色都會搵到一種屬於佢嘅脆弱，你會憐憫佢。另外，木村拓哉我都好欣賞，佢夠隨性，做乜似乜，無俾明星光環侷限自己。而最Men電影，我會揀《逆權司機》、《逆權大狀》同埋比較舊嘅《義薄雲天》(Once Upon a Time in America)。」
amJetso 送BIODERMA救星小紅瓶🩷護膚恩物 立即按此參加👇
