劉嘉玲在香港電影金像獎的言論惹來非議。
梁朝偉憑住《金手指》在《第42屆香港電影金像獎》奪得影帝殊榮，太太劉嘉玲在台上稱，一定有很多人會覺得又是偉仔拎，之後她大讚偉仔是偉大演員。嘉玲的表現成為了當晚其中一個主要話題，甚至有網民認為，不明白為何梁朝偉會忍受到劉嘉玲。其後，有人找到11年前黎芷珊主持的節目《最佳女主角》，其中一集訪問嘉玲，當中提到為何偉仔是一個偉大演員。
劉嘉玲指梁朝偉是屬於大家的。
成功非僥倖
在節目中，嘉玲開初笑謂因為偉仔的名字有一個「偉」字，所以是偉大演員，之後她認真解釋︰「佢係一個好難得嘅演員，除咗有天賦，佢後天不斷喺生活中充實自己，只有我睇到。人哋會覺得你(梁朝偉)中獎率係99.9%，我覺得一個成功嘅人係無僥倖。佢係一個好難入戲演員，佢唔似我咁樣好快就適應環境，佢係好難㗎！」
要令偉仔放心追夢
她續指初時在偉仔身邊是很不習慣，因為對方一入了戲，便難以抽離，會變成另一個人，「你喺佢身邊係好辛苦又新鮮，因為經常有唔同嘅梁朝偉出現，我覺得佢係一個好偉大演員，所以我要成就佢。我打理到屋企好好，令佢冇後顧之憂，佢係幸福，佢係可以完全放心去追佢嘅夢。」
自認受爭議
嘉玲又提到偉仔只會信她，就連換燈泡這些事都是交由她去做。她在節目中又提到，梁朝偉是屬於所有人，「佢真係屬於大家，佢有一班忠實fans，有一班好錫佢嘅人，年紀細到大都有，佢基本上係一個冇咩爭議嘅人，係大家都好錫嘅梁朝偉！我，就係大家都有爭議，但梁朝偉係冇咩爭議。」
劉嘉玲表示雙方會互相包容。
嘉玲表示從不會管住梁朝偉，就算雙方各自有緋聞，雙方都依然是互相信任，大家都可以從對方一些小反應，知道對方的感受。近年嘉玲在大陸的節目中更提到，就算現在梁朝偉完全不發一言，她也知道對方的心情。她又透露雙方談得最多的話題是電影，偉仔非常信任嘉玲對他演技的評價。
劉嘉玲不時表示梁朝偉是她很尊重的人。
梁朝偉返港急住走原因曝光
葉童重提梁朝偉在威尼斯影展返港之後，急急離開，但被劉嘉玲扯住衫尾，示意他要留下讓記者拍照及接受訪問。葉童笑她欺負偉仔，嘉玲對此解釋︰「香港應該是『十號風球』還是『九號風球』，當時記者等了很多個小時，然後終於等到他落機，他就要走了。那我一定要把他拉回來，你起碼要讓大家拍一張照，大家都很替你開心的嘛。他可能就沒有想到，就趕緊走，『都九號風球了，還不趕緊回家！』就是這樣子。」
葉童笑劉嘉玲欺負梁朝偉，嘉玲直呼冤枉。
amJetso 送BIODERMA救星小紅瓶🩷護膚恩物 立即按此參加👇
