卓韻芝透露自己玩死了老公的遊戲角色。
打機要過關，這段時間花的時間及心血的確不少，如果因為一些意外導致自己的遊戲角色死亡，或闖關失敗，那種心情真是很難形容，如敗於一些人為意外，絕對係「想殺人」！
卓韻芝凌晨在Facebook稱見到老公玩遊戲時睡著，於是拿走他的手掣嘗試玩下。她謂︰「摸咗好耐先知咁多粒掣點用，咁我跑山啦，好快跌死咗，我心諗死喇，點知，有得復活（唔知咩隊友救我=復活）咁我就開始亂跑、亂槍掃射啲樹、跳崖之類，反正有得復活，點知去到一個唔知咩毒販脅持人質茅屋，我被射死（我有對準佢但唔識㩒把槍出嚟）畫面變黑白，之後......冇復活，我真係死咗！我真係死咗！點好？？？我GG咗佢隻game 我而家有少少想將個手掣慢慢zip返入佢雙手就算......請問死咗係咪好大鑊㗎？」
阿芝的Facebook。
不少網民對阿芝的經歷大感好笑，並建議她把手掣放回老公的手裡，扮作不知情回房睡覺，亦有人建議她買部PS 5作為賠罪。他們留言謂︰「本來都冇事，你將成個過程紀錄在網上就麻煩d⋯⋯」、「我勸你delete咗個post先，因為根本佢就唔知，不過而家全世界都知，或者咁，我地幫你嘅方法就係全世界一齊幫你扮冇睇過呢個post!」阿芝其後回覆說︰「丈夫先生個電話震咗幾次，唔知係咪隊友已cap圖，叫佢快啲醒」並笑言︰「簡直婚姻危機……」。
網民的建議。
網民的建議。
網民的建議。
入App免費換走健康產品
