2022-03-16 20:07:28

印度神童預言3.16窮人會暴富 Alton拍片抽水

印童神童阿南德(Abhigya Anand) 預告3月16日將會出現巨大的改變，更指出金融市場的巨大改變，打破「窮人更窮、富人更富」的局面，有報道引述阿南德的預言，稱今日(16日)將會是窮人暴富日。

昨日股市暴跌，今日恆指早段反覆後午後即坐火箭，向上直衝高見20,120點，最多彈1,705點，收市報20,087點，仍升1,672點或9.1%，全日高低波幅1,537點，收復二萬關。不過，有網民笑言「窮人錢都冇又點買股票，窮人暴富？你塞啲錢俾我呀？」

加錢轉凍飲唔使諗

MIRROR成員Alton(王智德)在IG限時動態分享阿南德的預言截圖，留言說︰「準備毫不猶豫加兩蚊轉凍飲，五蚊一包紙巾應該都唔係問題。」之後他拍片說︰「收到好多人回覆，主要同我講凍飲係加三蚊而唔係兩蚊。我想講今日之後，我哋改變嘅唔係單單係財富，而係心態，千祈唔好停留喺過去。記住，心態決定境界！」他又寫道︰「印度神童話我哋今日開始發達，仲同我拘泥嗰一蚊？散嗌都仲得呀！」非常好笑。