洪金寶、林敏驄、恬妞、王菀之、林盛斌及張繼聰等，昨日於西貢為電影《如珠如寶》開鏡拜神儀式。首次執導的林敏驄，邀請了久休復出的洪金寶客串演出，早前成龍指未來沒有「香港電影」，引來全城譏諷，洪金寶接受訪問時，亦借意嘲笑他的師弟經常「亂噏」惹公憤。
林敏驄首做導演，即找來一大班演員義助。
林敏驄首做導演，即請來洪金寶演出，問他為何肯接演，洪金寶言談間嘲諷其師弟成龍，提出已經沒有「香港電影論」，他搞笑說：「我當然會支持香港電影嘅拍攝，林敏聰叫我嚟我點敢唔嚟，俾佢抹黑點算。」
林敏驄驚當底褲唔夠找片酬數
林敏驄指，洪金寶對他意義非凡，皆因對方過往曾找他拍完一部又一部電影，他又感動又好笑地說：「製片講，大哥大(洪金寶)話以後我執導嘅電影，每部都要留個角色俾佢，雖然我知道係呃我，不過已經令我好感動。」林敏驄還笑言洪金寶給了他一個友情價，他說：「大哥片酬收平咗，如果唔係當埋條底褲都搞唔掂。」
和洪金寶合作，引致周身瘀傷的林盛斌稱終於圓夢。
林盛斌傷痕纍纍冇怨言
早前入院做心臟「通波仔」手術的林盛斌，這次亦有份演出，見他在社交網上載兩張照片，手臂和小腿都傷痕纍纍，但他表示，可以和洪金寶合作，那些瘀傷都不算甚麼，林盛斌說：「大哥係我偶像，真係有種圓夢嘅感覺，雖然只有一兩場戲，不過佢傳授咗唔少經驗俾我。」
入App免費換走健康產品
