林家熙與陳欣妍在《 反起跑線聯盟》演年輕夫妻。
ViuTV劇集《反起跑線聯盟》即將於下周一(21日)首播，新劇陣容除了有由梁詠琪、強尼、潘燦良和周家怡等，還有林家熙(Locker)和陳欣妍(Shirley)這對全劇最年輕的夫妻，兩人首次演父母角色，戲裡戲外都是新手爸媽，既要應付激烈爭吵，又要與小朋友演大量對手戲，兩人高呼緊張，Locker奉旨出招「冧女」，卻被戲中囡囡所欺騙。
讚囡囡話喊就喊演技好
首次演父親的Locker自言喜歡小朋友，談到「生兒育女」，暫時仍屬遙遠的計劃。他大讚戲中囡囡演技好，大爆對方「古惑」，「今次都算係我第一次飾演爸爸，初初都緊張要拍好耐，但囡囡啲戲真係好好，話喊就喊出嚟，一啲都冇拖慢個進度。其實佢地都好單純，只要同佢地做咗朋友就會配合你想點，所以一到場我都出力氹佢。啱啱同Shirley講起先知，呢個囡對住佢講就鍾意媽咪多啲，對住我就話錫我多啲，然後要分享糖糖，可想而知佢幾咁古惑。」
沒想過做媽媽
首次與小朋友對戲的Shirley坦言很緊張，自言未準備好做「媽咪」，Shirley表示：「邊諗到呢個年紀要演媽媽嘅角色？好在劇中都話明係年輕媽咪，擺明就係抵受唔住愛情嘅誘惑而生囡！導演都話叫我哋做番自己，唔識湊小朋友就啱晒佢要嘅感覺。」 劇中Shirley要與囡囡陪玩陪瞓，甚有潛質當媽媽：「我真係冇諗過生小朋友，因為唔知點教佢、點答佢地問題，呢個責任實在太大。」
🎁 amJetso請你睇《焚城》，快Ｄ開APP玩👇 👇
