![](https://cdn.am730.com.hk/s3fs-public/styles/article_image/public/2024-07/bbbbb.webp?itok=WH96zy_q)
袁偉豪
現年43歲嘅袁偉豪(Benjamin),當年以大熱姿態成為港男冠軍,佢喺加入TVB後佢拍過好多唔同嘅電視劇集,一步一步成為當家小生之一。佢喺2020年與張寶兒結婚,現育有一子,一家三口幸福美滿。事業愛情兩得意嘅佢,近年不時被網民將焦點放喺佢嘅外貌上,指佢婚後走樣及「斷崖式衰老」等等。
試過出千字文反擊網民
袁偉豪喺1997年參加《YES!》校花校草獲得冠軍,雖然佢當時只有16歲仲讀緊書,不過佢有個uncle喺唱片公司返工,所以就邀請佢簽約入行,成為黎瑞恩嘅小師弟。之後,袁偉豪出演維他奶廣告,並獲選中喺電影《新古惑仔之少年激鬥篇》飾演巢皮一角。
佢喺2007年參加香港先生選舉,並以大熱姿態獲得冠軍。加入TVB後,佢參與唔少劇集拍攝,並成為當家小生之一。本來出名有樣有身材嘅佢,近年不時被婚後走樣,同全盛時期相差好遠,佢亦試過出千字文反擊網民。
飾演冷血悍匪陳祖耀
TVB劇集《反黑英雄》正在熱播中,而袁偉豪就喺劇中飾演冷血悍匪陳祖耀,角色備受關注。早前佢就同姚子羚、朱晨麗及張頴康到廣州出席見面會,期間佢同在場演員挑戰網絡熱爆嘅《二年級》舞蹈,以及滿足觀眾要求「天堂哥」上身勸「阿祖」收手,令現場氣氛高漲。
有網民將當日影片放上網,網民再一次將焦點放喺袁偉豪嘅容貌上,留言話:「面前係成龍!」、「他是要自然老去嗎」、「我怕謝賢都要比他年輕了」及「他去做個除皺吧我覺得……」等等。
原文刊登於 Yahoo 娛樂圈