袁偉豪半裸上身，大晒爆肌身形。
現年43歲的袁偉豪（Benjamin） 2020年與張寶兒結婚，去年誕下一子，一家三口幸福美滿。不過，近年袁偉豪不時被網民將焦點放在他的外貌上，指他婚後走樣及「斷崖式衰老」等等。日前，他就孖張寶兒貼出與囝囝的全家福，相中見他爆肌上陣，似乎是要挽回當年選港男全盛時期的聲譽。
袁偉豪與張寶兒連日來都分享多張家庭照，昨日（23日）在最新一輯照片中，見袁偉豪半裸上身，大晒爆肌身形，胸肌及強勁的麒麟臂更是相當吸睛，而9個月大的袁咕碌同樣是全裸上陣，相當可愛；產後修身成功的張寶兒，則以黑色喱士Bra Top上陣，大騷豐滿身材，三人的打扮都非常搶眼 。
其中一張相，袁偉豪負責抱住仔仔，三人做出一個非常嚴肅的樣子，張寶兒笑言：「.話咗要 serious face，爹地媽咪講得出，袁咕碌做得到 #familygoal #最謹守要求的 」就連好友胡定欣都留言表示：「我究竟可以望邊Part肌肉，呢張相好吸睛喎」，亦有網民大讚：「 爸爸好壯實、媽媽好性感、B仔好可愛」。
🎁 amJetso請你睇《焚城》，快Ｄ開APP玩👇 👇
