可宜報喜一索得男。
中英混血主持可宜與甲一籃球運動員鄭錦興2021年結婚，去年二人宣布懷孕喜訊，升呢成為爸爸媽媽。可宜在社交平台分享了一家三口及BB的照片，公布兒子George Mitchell Cheng已於上月平安出世，母子平安。
可宜透露仔仔重7磅2盎司，她表示︰「Baby George喺香港港安醫院—荃灣平安出世啦﹗回想BB出世一刻真係好感動，好多謝婦產科張智醫生好快手又安全咁拎BB出嚟（好記得臨開刀前，我仲捉住醫生隻手話：好驚啊）。一出世個仔就喊得超級大聲，但最驚嚇都係見到佢個樣十級似爸爸，個口仲要大過我...... 好彩依家都慢慢開始似我，特別係對眼。」 可宜感激醫護人員的照顧，並表示醫生指兒子手腳及所有「部位」都特別大，「醫生仲話BB手腳所有"部位"都特別大。喺醫院我除咗餵奶，其他時間可以全程休息，夠瞓幫到我好快上奶，休息得好好，所以我身體復原得快，感謝每一位關心同祝福我嘅朋友！」最後，她不忘感謝媽媽及老公︰「最鍚我嘅媽咪，由生產嗰日開始寸步不離照顧我。最後當然多謝我老公，由成個孕期到BB出世都將我服侍到成個女王咁。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
