阿Dee與193爭奪Cloud歡心，前者自言唔夠「揪」。
少女戀愛劇《同居少女諸事卜》已於「黃Viu煲劇台」熱播中，由雲浩影(Cloud)、吳家析(Kayan9896)、蘇皓兒(Chloe)、郭嘉駿(193)、何啟華(阿Dee)、林德信主演，靚仔靚女擔正具一定吸引力。故事講述3位同居少女的不同戀愛問題，當中阿Dee、193與Cloud大玩三角戀。阿Dee感嘆「高男」追女確實有著數。
Cloud大讚阿Dee好戲。
Cloud糾纏於193同阿Dee的感情線中。
「多你20cm係唔同」
阿Dee與193在劇中是情敵，仲有唔少對手戲。他說：「我同193爭女？代表戲劇，係假嘅。仲要話我爭贏，冇可能啦，現實世界唔會發生。我同3哥出trip，啲女仔對我哋嘅待遇係有差別。多你20cm係唔同，高大又靚仔，我有才華都冇用。」首次拍劇的Cloud表示：「第1次拍感情戲有啲緊張，好彩佢哋好好，冇俾壓力我。阿Dee好好戲，一直被佢帶動入戲。」
《同居少女諸事卜》正在黃Viu煲劇台熱播中。