MV取景日本多處街道和海灘。
吳業坤(坤哥)日前推出今年第2支主打派台歌《心拍数》，今次延續《幼馴染》日系感覺，歌名《心拍数》，「数」字是用上日文的漢字，是心跳的意思，MV亦專程到日本取景。《心拍数》由Henry Tsoy作曲，Oscar Lee填詞及高佬編監。MV於日本四國取景，日本街道揉合海景，借海浪令人感受到生命力。坤哥說：「心跳喺世界上最公平嘅事。幾年前睇過一篇生物學文章，每個人出世嘅心跳大概25億次，所以無論出身富或貧都係呢個次數，希望大家唔好有比較，有鍾意嘅事就喺有限嘅心跳裡面勇敢去做。」
《心拍数》鼓勵大家在有限的心跳內做開心事。
坤哥和太太歐遊遇上小偷。
坤哥蜜月遇賊
坤哥結婚兩年一直忙工作，近日終於有10日假期，可以和太太浜口愛子去歐洲補度蜜月，兼順道為自己10周年tour作準備。但他日前抵埗歐洲第2日在米蘭被偷銀包，幸好坤哥及時察覺，小偷舉中指逃走。坤哥即時回酒店定定驚，之後外出更留意身邊人，散心都要格外小心。
amJetso 送BIODERMA救星小紅瓶🩷護膚恩物 立即按此參加👇
