歌手歐信希主持的新城電台節目《傾心相聚》，找來入行40年，將於紅館舉行《Classic 40》演唱會的呂方，談笑話當年。原來歐信希與呂方交情非淺，當年年15歲的歐信希與年長幾歲的呂方，一起參加《第二屆新秀》歌唱大賽。
歐信希與呂方，不但只是同屆新秀，更是同門師兄弟，1980年歐信希12歲跟戴思聰學藝，1983年，呂方經黎小田介紹，亦成為戴思聰門下弟子，歐稱當年參賽，呂方一開聲就無懈可擊，呂方則說：「我經常坐埋一邊，又唔合群，好cool，你哋個個都好新潮，我好薯嘜，頭髮長，唱歌仲著中山裝。」
梅姐扣押期間練歌排舞
呂方又談到跟梅艷芳去登台的難忘事，「我記得84年突然間要去登台，有梅姐 (梅艷芳)、蔣慶龍，未知是否大家工作證未能及時辦好，入境時全部人被扣留咗喺一間房8小時，因為有梅姐在場，時間就好快過，8個小時不停跳舞唱歌，梅姐仲完全唔驚，話大不了就返去 ! 喺8個鐘之後，終於有人救咗我哋出去，順利入境。」
此行登台最後一站是英國，呂方還有一件興奮事分享。「喺倫敦酒店見到一個文質彬彬、官仔骨骨嘅靚仔，當時佢著住一件長褸，擔住支煙翹起腳，只睇到佢嘅側面，原來係陳百強，我第一次見陳百強，好靚仔又好有型，我即刻起身想衝埋去叫簽名，但公同事就撳住我，叫我唔好失禮，話我係新秀，唔好咁衝動 。」
分享對獎項感受
歐信希與呂方共通點是多年來仍然很熱愛唱歌，對於樂壇的獎項，訪問當中亦互有分享。呂方說 : 「攞唔攞獎，對我嚟講仲有咩作用呢！俾個終身成就獎或者金針獎就唔使啦。我有一啲歌係大家鍾意，開演唱會仲有人聽，就已經好幸運。最開心係我有一個女，一世人都諗唔到會發生嘅事，現在先發覺我好鍾意家庭、好鍾意小朋友 。」歐信希則說 : 「如果有獎我會想攞，係一個認同，一個嘉許，不過冇獎係咪代表自己失敗，或者首歌唔好呢？絕對唔係！唔會因為一個獎項而唔開心。」
40年後再聚，歐信希與呂方談笑話當年。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
