周啟生形容薛影儀是他心目中的女神，因合照被拒結果要在阿儀身後強行同框。
黃夏蕙設立慈善基金，並於前晚舉行籌款晚宴，筵開80席獲不少圈中人到場支持，包括盧海鵬、周啟生、薛影儀、黃榕、徐寶鳳及劉錫賢等，場面熱鬧。
音樂人周啟生出席當晚活動後更新社交網，大讚夏蕙BB依然咁靚及聰明伶俐，形容她是「我哋香港人嘅甜心」！不過，周啟生似乎對「永恆亞視一姐」薛影儀更為鍾情，他自爆上前找阿儀合照卻慘食檸檬，並寫：「喺席間我見到一位我內心非常之心儀嘅女性，可以話係我心目中嘅女神！嗱嗱臨走去佢旁邊問佢：『可唔可以同我合照啊？』點知佢連忙耍手擰頭，我唯有企喺佢後面夾硬影咗一張相！此刻嘅我，唔多唔少都帶點失落同埋挫敗感…阿儀，你唔愛我唔緊要，但係你唔可以阻止我繼續愛你！」周啟生自言從小自覺係好靚仔，經過當晚滑鐵盧一役，是時候應該學識謙卑，表示要好好反思一下。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
