一連7場嘅周杰倫香港演唱會，星期日晚喺中環海濱圓滿結束。呢次周董喺新場地演出，唔少買唔到飛嘅歌迷都選擇去「核心嘅外圍」，亦即係會場外嘅地方免費聽歌，甚至有富貴歌迷包架艇喺海上睇show！
近日有網民喺內地社交平台「小紅書」分享，佢喺海上坐艇睇show期間，見到有3位歌迷，坐住疑似吹氣橡皮艇喺海上聽歌。而從圖片所見，呢3位歌迷都係冇著救生衣。有網民就覺得好危險，一個大浪打埋嚟隨時跌落海，而且仲會暈船浪。畢竟PS大神無處不在，到底張相係咪真，暫時未能證實。
立即更新/下載AM730手機APP 體驗升級功能
