林家棟今日宣傳新片，談到昔日拍檔周海媚猝逝深感難過。 (陳奕釗攝)
由麥啟光執導的2024農曆新年賀歲片《臨時劫案》，三位主角郭富城、林家棟和任賢齊，今日聯同林雪、ANSONBEAN、曾比特、王頌茵(Kathy仔)、孫佳君、張松枝及符家浚現身將軍澳靚次伯紀念中學，為新片舉行財神送庫記者會。
是次活動安排有份演出的符家俊扮成財神出場，記者會結束及玩完一輪遊戲後，三位主角郭富城、林家棟和任賢齊一同受訪。由林家棟夥拍周海媚主演的1996年經典劇集《大鬧廣昌隆》，隨住周海媚(海味)上月11日猝逝而再度重播，周海媚在劇中扮演女鬼「小芙蓉」一角相當經典，家棟提起舊拍檔周海媚，他表示：「當然係難過，因為始終係我第一次喺電視能夠擔綱做主角嘅位置就係拍住佢(周海媚)，仲有當時佢已經係一個好多少男少女嘅偶像，能夠拍到佢係榮幸，同埋好開心，佢喺現場好講得笑，好多回憶番晒嚟。」林家棟與周海媚最後一次見面已是幾年前，當時是開工接受訪問，指對方當時狀態仍好OK，希望她能夠安息。
劉德華曾見家棟女友
另外，林家棟最近宣傳另一電影《潛行》時，自爆只有劉德華見過他其中一任女友，家棟說：「係，不過好多年前，事實係唯一一個我會帶佢出嚟食飯。」直認只有華仔一個圈中人見過其舊愛。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
