黃秋生嘆開拍香港電影艱難，需要觀眾入戲院支持。
由黃秋生、林嘉欣、陳家樂和湯怡合演、袁劍偉執導的港產片《死因無可疑》，自上月端午節開畫以來，單日票房雖曾連續7天奪冠，但在疫情陰霾下，入場睇戲的觀眾大減，港產片更是首當其衝。身在台灣的黃秋生特地在Facebook拍片，慨嘆要在香港開拍電影好艱難，實在需要觀眾支持，呼籲港人入戲院睇《死因無可疑》。
在《死因無可疑》裡，林嘉欣與黃秋生合演夫婦，老婆爛賭成性，經常要妻責夫償。
他在短片中表示，「香港人係咪支持香港電影？我相信係。但香港人係咪盲撐香港電影呢？我相信唔係。很多謝已入場睇《死因無可疑》的觀眾，更希望未睇的朋友，可以入場支持《死因無可疑》，今時今日開拍一部香港電影已經好艱難，如果再冇觀眾支持，相信大家可以想象，跟住會係咩情況，希望大家全力將《死因無可疑》呢幾隻字，放喺戲院多幾個禮拜，香港電影能否繼續存在，香港人肯入戲院支持，至為重要！」
黃秋生日前已在社交平台呼籲觀眾入場睇《死因無可疑》。
入App免費換走健康產品
