蕭文諾出帖想用6,500元租300呎工廈，被網民轟離地。
麥明詩(Louisa)今日出席活動，同場還有TVB藝人蕭文諾，他早前出帖詢問網民想6,500元租300呎工廈單位卻被轟離地，蕭文諾受訪時解釋：「本身想租一個6,500元工廈單位，做studio拍嘢用，自己又係衰嘅，寫嘅時候冇列明自住，還是其他用途，之後睇返留言已經被人話『離地』，自己都係覺得得啖笑，之後我都打咗篇文澄清，我是想租一個工廈單位。」
蕭文諾又指，自己一直有留意他想租的新蒲崗區租盤，「其實呢排自己都有睇盤，6,500元300呎，都係差唔多呢個價，自己都有喺新蒲崗租開兩、三年，單位都係比較大，因為有分租戶離開，想轉個細單位先出帖問。」
談到很多網民擔心其工資時，蕭文諾大笑回應：「哈哈哈，都有5位數，唔係佢哋所估三位數、四位數，點生存呀。」傳媒問他對想租的單位還有甚麼特別要求，蕭文諾說沒有，並已經列明6,500元租300呎單位。他又稱，報導出街後有業主及地產聯絡他，有相關條件的單位提供。
amJetso 送BIODERMA救星小紅瓶🩷護膚恩物 立即按此參加👇
