今晚一集嘅精彩畫面預告，Jinny甚大犧牲醜化自己來演出。
之前憑《香港人在北京》的演出獲盡好評的吳若希(Jinny)，昨晚在《奔跑吧！勇敢的女人們》再度大晒搞笑功力，除徹底拋下女藝人包袱ZB2狂做醜怪樣兼「唐老鴨」上身玩變聲，更不惜戴上娘爆金色假髮、身穿超老土懷舊造型大跳「殭屍style大媽舞」！據知，今晚將有Jinny「娘爆大媽舞」full version在新一集中播出，除了舞步夠騎呢、戲中戲的廣告歌曲亦相當洗腦，絕對無負Jinny「洗腦天后」封號。
對此，Jinny接受TVB.COM訪問時，亦笑言期待相關廣告播出來的效果，並坦言為了這個短短場口，在古裝街拍了足足4小時：「呢個應該係吳若希出道以嚟最樣衰嘅造型，我哋為咗拍呢隻舞，都喺古裝街拍足四個鐘架，所以要期待吓，唔知最後出街出幾多秒呢？」談到海旁唐老鴨上身扮雞、兼且扮枯樹扮到反晒白眼一幕，Jinny透露最大心理障礙是拍攝時大風又寒冷：「呢場戲我主要負責即場諗啲唔make sense嘅動作出嚟，拍嘅時候都好笑嘅，但因為當時好凍，所以都好想快啲拍完。」
Jinny在劇中將與飾演的經理人禾平的朱敏瀚(朱仔)有不少對手戲，二人的外型匹配度及年齡差在內地亦引發熱討，翻查資料，Jinny與朱仔不但同年，更是同年同月同日生，相當有緣份。對此，Jinny坦言與朱仔的性格及價值觀均很相似，但其實二人亦有很大的差異：「佢喺出面雖然冇乜嘢講，但對住好熟嘅朋友會係咁講嘢，但我就係喺出面好多嘢講，反而對住自己好close嘅朋友，就唔係咁多嘢講。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
