妮歌表示扮高潮令她筋疲力盡。
奧斯卡影后妮歌潔曼(Nicole Kidman)新作《Babygirl》屬情色驚悚電影，講述飾演已婚的大公司老闆妮歌與實習生的忘年戀故事。57歲妮歌接受英國《太陽報》訪問時表示，片中多場性愛情節，令她筋疲力盡，絕不好受。「每次都要扮高潮，好享受咁。拍攝時會想，『我唔想再扮。』唔好再靠近我，我討厭再做(愛)，我唔在乎有冇感覺喇。」
《Babygirl》講述57歲妮歌戀上28歲Harrison Dickinson。
兩人在片中好多埋身肉搏場面。
無法承受的痛
妮歌續說，從影以來未有過這種拍戲經歷和感受，性愛場面觀眾會睇到肉緊，但她卻想快些完成(拍攝)。「我與28歲Harrison Dickinson(飾實習生)非常信任對方，他好有禮貌好溫柔。只係導演要求我哋要非常咁投入床戲。拍得多，就會令我哋好沮喪，係好難承受嘅痛。」妮歌表示，導演Halina Reijn沒有限制他們的床戲動作，只要求自由發揮，這樣才演得更自然。
A24製作的《Babygirl》於12月25日北美上映。
入App免費換走健康產品
