姜濤疑跑步減肥騷「壯腿」被野生捕獲 《我的天堂城市》香港上映4日報捷 票房為台灣6倍
Mirror成員姜濤日前接受Do姐訪問時，自言工餘時間都係去打籃球做運動。係人都知姜濤住銅鑼灣，於是不時有網民野生捕獲佢喺維園打波，而近期就有網民影到疑似姜B跑步照。相中人睇落下盤相當粗壯，足以媲美自稱「榕樹腳」嘅陳奕迅，難怪網民開題時都話「姜濤都幾大隻」。
講起跑步，姜濤日前喺ig發限時動態分享跑步時奇遇，佢話喺銅鑼灣跑去西環時見到一大班女人朝住同一方向跑，姜濤認為事有蹺蹊於是跟住跑。然後姜濤發現原來係佢自己fans跑去西營盤電車廠，影佢嘅新片《我的天堂城市》嘅電車廣告。呢班fans掛住影電車，完全唔知自己偶像係附近，失策呀！
▼網民意見▼
《我的天堂城市》香港4日票房超過250萬
《我的天堂城市》台灣票房失利僅收41萬港幣，但上周喺香港開畫後收復失地，截至星期日票房超過250萬，相當於台灣嘅6倍。返到香港主場有姜糖力撐，係唔同嘅！
原文刊登於 Yahoo 娛樂圈
amJetso 送BIODERMA救星小紅瓶🩷護膚恩物 立即按此參加👇
