王敏奕感激被委以「致命誘惑」重任。
由羅子溢、陳自瑤、賴慰玲、羅天宇及王敏奕等合演 的無綫劇《婚後事》將於2月26日播出,劇集以六個不同視點為大家揭開同一個故事的不同面貌。
其中一大焦點落在王敏奕的「蛻變」上,談到舉手投足、甚至聲線都演活了「致命誘惑」Mira,敏奕笑言與真實自己很大出入,並透露因而曾遭監製林肯嫌棄:「現實世界嘅我係唔識做呢啲嘢,所以拍之前我都有去睇某啲戲做吓功課。我記得第一日拍時,監製嫌棄我做得唔夠好,話我唔識誘惑人。」敏奕又坦言:「多謝監製同編審咁睇得起我,覺得我可以演繹到致命誘惑。」
與敏奕在劇中保持既相愛又「互相傷害」關係的賴慰玲,也大嘆是次拍攝過足戲癮:「呢個角色好兩面,表面好風光,但內心其實好孤獨,一個咁大反差嘅角色,對演員嚟講係具備咗好豐富嘅素材去演。呢個角色真係我從演以來喊得最多,佢嗰種喊仲要係好壓抑嘅,即係好想喊又唔畀自己喊,我覺得好寫實,好多人其實想喊時都會想撳住自己。」