溫碧霞飛到法國出席康城影展，宣傳其主演的新片《謊島美人魚》。
溫碧霞(Irene)飛到法國出席第77屆康城影展，宣傳其主演的新片《謊島美人魚》，Irene穿上一襲白色喱士露肩長裙現身紅地氈，散發高貴優雅氣質。這次踏上康城影展紅地氈，Irene直言十分開心，她表示：「呢個地方好靚，感到好relax、好享受，又可以睇到好多法國電影，同好多電影人交流，識咗好多新朋友，成個旅程都好難忘。」最開心是可以在康城跟不少好友見面。
年齡反差不是問題
Irene亦帶同電影《謊島美人魚》到康城影展，向不同電影人推介這部新片，Irene談起這部新片即滔滔不絕，她稱：「呢部電影應該會令好多觀眾好surprise，因為我好耐冇拍呢類黑色幽默愛情電影，我自己好鍾意，所以好期待大家可以睇到。」電影《謊島美人魚》除了黑色幽默，亦包含了親情和愛情，講述女人和男人之間的年齡反差，Irene表示：「一對情侶點解會因為年齡介意同對方一齊，其實愛一個人係咪可以只愛對方唔好諗太多，呢個故仔有好多啟發，除咗親情同愛情，亦表達到生離死别，自己都深受感動，一定會推介畀好多朋友睇。」
amJetso 送BIODERMA救星小紅瓶🩷護膚恩物 立即按此參加👇
