張慧儀爆當年與盧慶輝拍拖一年突「被分手」。
張慧儀近日亮相鍾慧冰的網上節目訪問，當中她更大方重提與盧慶輝的一段情。張慧儀表示當年拍攝《真情》時，與黃智賢飾演一對，但跟盧慶輝沒有太多交集，甚至完全不覺得對方靚仔， 更曾揚言「我一定唔會同佢拍拖」，沒料到其後二人撻著，「唔知點解某年某月某日突然間，『叮』一聲就着咗。」她續透露有一段時間工作好忙，並因為身體不適入院，盧慶輝不斷獻殷勤，最後被對方打動而擦出愛火花。
張慧儀表示當年拍攝《真情》時，跟盧慶輝沒有太多交集，沒料到後來二人會撻着。
可惜，張慧儀與盧慶輝的感情只維持了短短一年便「玩完」，張慧儀大爆原來當年是「被分手」︰「我係被分手﹗太多嘢已經過咗去，只不過當時我仲係好記得我係被分手，對我嚟講打擊好大﹗」她續憶起當年的情況，並指當日在工作後，傳呼機收到大批傳媒向她求證分手一事，並指盧慶輝突然在《真情》記者會單方面向傳媒透露已經分手，張慧儀當時大感愕然，並表示：「吓﹗我噚晚仲同佢食飯好好哋，仲拍緊拖，點解會咁樣呢？我當然好想知道，即刻揸車去搵佢，但對方一定唔會講啦。嗰段時間，我好唔開心。當然我後期知道乜嘢原因，但覺得唔需要再去追究。就係咁啦，係一個好好嘅經驗。」張慧儀坦言二人已經多年沒有聯絡，而盧慶輝現已有家室，所以不想再提太多內情而影響對方。
盧慶輝有份參演《真情》。
【立即參加】送香港迪士尼樂園一日門票！
