陳展鵬獲補祝生日，收蛋糕賀「越扑越有」。
陳展鵬與太太單文柔獲醫美品牌續約成為代言人，繼續以夫妻檔搵真銀。兩人昨晚（16日）出席假W酒店舉辦的周年晚宴，並進行簽約儀式。活動上，品牌老闆娘還為1月14日生日的陳展鵬補祝生日，全場大合唱生日歌，並送上可愛造型的扑槌蛋糕，祝福他越扑越有、連生貴子，場面搞笑。陳展鵬向傳媒透露，一向有計劃再添家庭成員，希望可以湊成「好」字，等待緣份到臨。
今次重金禮聘陳展鵬續約代言人，他表示：「好開心可以續約代言人，因為同太太一齊扮靚已經成為咗習慣，真係一舉兩得！我哋兩夫妻今年仲特別影咗新一輯宣傳相，對比起上一次，真係後生咗又靚咗。」至於單文柔補充說：「我哋皮膚真係越來越年輕，而且身體都弗咗，所以同小豬比一齊影家庭照，幾乎零死角，就可以好開心咁大笑都唔怕啦！」同場還有王馨平和林漪娸，兩位都獲網民封為「凍齡女神」和「美魔女」，至於張慧儀作為公司代言人及星級用家，同樣於昨日活動上弗爆登場。
立即更新/下載AM730手機APP 體驗升級功能
