Tyson Yoshi手持玩具槍上台，之後被軒仔搶走。
《The next 20 張敬軒演唱會》來到第四晚，適逢Boxing Day拆禮物日，軒仔請來兩位嘉賓：Tyson Yoshi及泳兒。
軒仔介紹Tyson Yoshi時表示，他們相遇的經歷很奇怪，「當日我係訪問佢，佢仲激嬲我，竟然同我講『我細細個就聽你嗰首《孤單公園》㗎喇！』之後我膽粗粗問佢，你嚟做我嘉賓好唔好？」醒目的歌迷大概已經估到是Tyson Toshi，隨即起哄。
軒仔在台上所飲的水，正是Tyson Yoshi代言的品牌。
取笑Tyson Yoshi半裸為飲品代言
Tyson Yoshi最近半裸爆肌為飲品代言，軒仔藉此開玩笑，「為咗你，我特登去買咗呢個牌子嘅水飲下，我係香港咁耐，都未見過有個裸男賣廣告……今日Boxing Day，你著件Tee上嚟，係咪準備俾我拆禮物呀？」
談及歌曲，Tyson Yoshi大讚軒仔的《孤單公園》，「我以前諗，如果要做廣東歌，一定係《孤單公園》咁，當我知呢首歌係你有份編曲時，嘩！我簡直對你嘅尊敬直線上升！」軒仔笑答多謝並說：「咁我交個台俾你啦！前嗰幾晚你個正印嚟咗，今晚輪到你施展混身解數！」之後Tyson Yoshi向觀眾揮手笑說：「你好，我係Tyson Yoshi！今晚嘅廁所位！」觀眾即歡呼四起，「有人話我正印係林家謙，嗰晚我諗，我上台唱咩好，我女朋友即刻冷笑一聲，咁我唯有唱Christy啦！」
泳兒甫上台已忍不住落淚。
泳兒感觸熱淚盈眶
之後軒仔為觀眾送上另一份禮物，請來泳兒出場。軒仔謂，「2005年舊唱片公司人事變動，我被投閒置散，宣傳錄音又少，冇收入，恩人周國豐叫我去做港台節目，當時一份工做DJ，一份TVB 8頻道做VJ報娛樂新聞，嗰段日子好難忘，喺港台返工第一日，就收到呢位歌手第一隻派台碟《感應》！歡迎我特別嘉賓Vincy，我嘅小師妹。」
Vincy上台後，已經開始眼濕濕，「多謝你，台下面聽你講，我已經好感觸，我第一隻派台碟喺你手，我冇乜人識，第一個小小演唱會，你都願意嚟幫我做嘉賓……」隨即已經熱淚盈眶，軒仔幫Vincy 擦眼淚之餘，又鼓勵她，「每個人都係由一張白紙開始，只要肯努力，聽眾耳朵係雪亮！你一定會有好成績！」
相關新聞：
張敬軒演唱會｜大讚欣宜不再活在家人光環 活出獨立發光個體
張敬軒演唱會｜軒仔扮熊仔聖誕樹 林家謙送果醬做早餐
張敬軒演唱會｜陳慧琳任頭場嘉賓 取笑軒仔好Dry
張敬軒演唱會｜著背心衫要搵「遮遮」幫手剃毛 引用姜濤「用作品說話」
泳兒稱聽到軒仔的一番話已感觸不已。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
