上年張敬軒與九位跟他長得相似的人食飯，當時一個「冚家軒」hashtag笑死不少網民。今日他與其中五位「軒仔」分享拍廣告點滴，他笑道：「最開心係帶挈埋我班好兄弟，我哋係樂壇2019年最新組合『冚家軒』，我覺得是佢哋帶挈我先有呢個廣告，希望新一年有多些新搞作，今年我哋會展開國際尋親，尋找與張敬軒相似嘅人，會延伸至泰國、菲律賓、越南和印度，我呢個係世界樣，真正嘅世界仔才有。」
近年不少人都打算到越南發展，就連軒仔都看中這個，表示年中將會赴越南逗留一段時間。他說：「好想開發當地市場，好似開餐廳一樣，所以上年年底都有搵老師學越南文，其實我都出過首越南版本嘅歌，不過無人聽得明啫！（會唔會喺越南置業？）如果工作要長期留喺個面可以諗，因為喺香港買一個細地方嘅錢，當地已可以買豪宅。」
🎁 amJetso請你睇《焚城》，快Ｄ開APP玩👇 👇
