Ian與張敬軒向來關係密切，亦師亦友。
MIRROR成員陳卓賢（Ian）與張敬軒向來關係密切，軒仔曾公開感謝Ian在他患上COVID期間悉心照料，而Ian近日亦提到自己在初入行時，經常因太執著而影響心理健康，甚至會「匿埋自己喊」，幸得軒仔助他打開心扉。
軒仔2022年開個唱，曾邀請Ian做嘉賓，而今年7月Ian舉行尾場演唱會時，亦在台上突然自爆「冇咩朋友」，之後他續說：「接落嚟呢位嘉賓好重要，成日好失意嘅時候開導我，之後變咗亦師亦友嘅關係，好照顧我。」其後，因工作在身未能到現場的軒仔以白馬王子造型現身大銀幕與Ian 合唱，二人的打扮襯到絶，最後一幕更互望甜笑，隨即引起全場觀眾歡呼。
張敬軒與Ian被網民拍下「私會」，不過此po已被刪走。
昨晚，就有網民捕獲軒仔疑與Ian在澳門「私會」，並留言寫道：「今晚同老best食完飯出餐廳偶遇軒公同Ian我係咪行運啦？」相中見疑似Ian 一身全黑打扮，戴上口罩，全身包到冚，而軒仔則拿着一個大袋「咀香園」遞給身旁的助手。照片曝光後，網民都紛紛熱議，有人表示：「之前我聴過張會由英皇出資自組公司請lan做旗下artist，唔知真唔真」、「兩位男神私會」、「係咪有合作？」等等，不過該相片其後卻火速刪除了。
Ian曾感激張敬軒協助打開心扉 。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
