軒仔自抽化身黑魔后兼白雪公主 。
迪士尼真人版電影《白雪公主》自上畫以來負評如潮，香港的網民就發現女主角Rachel Zegle同張敬軒撞樣，更把軒仔的樣子跟《白雪公主》的劇照合成，驚訝發現零違和感，相當搞笑。軒仔近日為其代言的眼藥水拍攝全新廣告，向來搞笑擔當的他更一人化身白雪公主及黑魔后兩個角色自抽。
昨日（18日）軒仔在社交網貼出名為「雪姑軒公主」的短片，並重現經典一幕問魔鏡「邊個對眼真靚」，更寫道「黑魔后老花危機」。軒仔搞笑表示︰「警告，以上片段可能會令人不安, 敬請家長留意。哇哈哈咔咔，您哋成日搞錯我個樣係其他人，點解？！經過呢半個月明查暗訪，終於俾我搵出個原因，原來你哋班人都有潛在嘅老花危機。想問吓您哋睇到片中人又係邊個？如果你哋覺得全部人都係我，即係你已經開始有老花呢個問題出現...依家畀住個催乸（Trailer）你哋睇下先，係咪好驚呢！唔使驚，我自己睇完都好驚。欲知後事如何，同埋有乜解救，請看下回聽日分解。我又一次為技術而犧牲，提前同大家過哈囉喂 。」網民都笑指他是「萬能Key」扮得維肖維妙。
限時早鳥優惠 火速訂位 | am730母親節溫馨晚宴 $5000福袋等你拎!
