![](https://cdn.am730.com.hk/s3fs-public/styles/article_image/public/2023-07/g8YPDexYcHfnqatCOZ-hlB3Z4hsE2_fHA32QVAN9kFQ_2.jpg?itok=1BeHIqyZ)
加蔥與阿晶曾拍拖,而女方更曾懷有對方BB。
微辣前經理人阿晶昨日選擇自殺輕生,她在社交平台發布一封遺書,提及自己飽受抑鬱及情緒病困擾,她亦曾遭恐嚇及網絡欺凌,最後決定輕生,事件引來極大迴響。阿晶提到「那天po過哭臉的人我一一跑去道歉」,不少人貼上微辣當日有玩過相關濾鏡的微辣藝人照片,網民怒斥他們不是。現時微辣YouTube Channel及專頁均刪走近期有關十周年的宣傳片,而官方網站亦暫時關閉。
曾與阿晶拍拖的加蔥首當其衝,有指阿晶因為墮胎而患上抑鬱症,不少人怒斥他害了兩條人命。加蔥於晚上透過YouTube個人頻道直播,以「對不起」為題,但他未有露面,全程「黑畫面」,只用聲音交代自己退出微辣,以及有關墮胎的事宜。
![](https://cdn.am730.com.hk/s3fs-public/styles/article_image/public/2023-07/VideoScreenshot--YouTube-2023131-50%E2%80%9922%E2%80%9D_0.jpg?itok=_6hZcuPS)
加蔥在YouTube直播宣布自己退出微辣。
我點都有份要負責
加蔥深呼吸一口氣說︰「首先……(深呼一口氣),好對唔住大家,好對唔住阿晶,對唔住同事發生咁嘅嘢,我覺得做咗嘅嘢要負責任,所以我都喺度講聲退出微辣,唔希望因為我自己做過嘅嘢而影響到其他唔關事嘅人,同公司傾咗,今日已退出微辣。阿晶件事,我點都有份要負責,因為始終小朋友呢件事,令佢情緒唔好。」
唔想網民帶風向
加蔥認為自己要為事件負責,但不想網民帶風向,他稱有必要澄清與阿晶拍拖及墮胎一事的時間線,「我覺得而家網絡上就係咁樣,好多人唔會了解成件事就會亂咁講,大家都係食花生,想幫阿晶攞公道,我明,但係我都想講返時間線,因為我唔想影響到我另一半,因為佢都受咗好多委屈。」之後他感嘆了一聲。
![](https://cdn.am730.com.hk/s3fs-public/styles/article_image/public/2023-07/manner3.jpg?itok=i2Ahu1eK)
加蔥在直播中一直未有露面。
強調墮胎是雙方共識
加蔥表示與阿晶於19年3月底知道有小朋友,在4月份就「唔要小朋友」,他稱一直沒有強迫對方墮胎,「好多人講我迫佢,但真係無迫,成件事由有小朋友開始,我話可以生出嚟一齊養,無問題,到後來大家開始傾咗好多,慢慢傾覺得好似真係唔適合養小朋友,所以我就唔想要小朋友,最後大家傾完決定唔要,呢個係事實。手術當日,我無陪到佢,呢個係一件好錯嘅事,原因亦都無必要講,其實已經係一件錯事。」加蔥早前曾解釋,當天沒陪阿晶是因為要來港工作。
分手不是一腳踏兩船
加蔥表示與阿晶是在2021年1月分手,絕不存在有第三者的說法,而分手後9個月才跟儀仔拍拖,「唔存在有第三者,無一腳踏兩船。相隔9個月,長定短交由大家判斷。」加蔥認為自己責無旁貸,但不想大家亂講影響到「佢哋」。之後加蔥未有說話近半分鐘,接著他再指自己沒有必要講大話,因為所有東西都有證據,「因為反正我都係會退出微辣,只係唔想俾網上亂咁講,影響唔關事嘅人,但我係一定關事。」
![](https://cdn.am730.com.hk/s3fs-public/styles/article_image/public/2023-07/10%20%281%29_0.jpg?itok=F-jEBgNV)
二人分手後曾一齊拍片,當時阿晶表示迫婚令加蔥很大壓力。
避談同事欺凌阿晶
之後加蔥有近2分鐘時間未有說話,似乎他在觀看網民的留言,最後他說︰「冇啦,就係咁樣,要講嘅都講完,我覺得佢啱先走咗,有好多嘢要拎出嚟講都唔係呢個時候,唔好意思,我唔能夠講太多,同提供太多證據喺呢個時候。呢個時候同大家講對唔住,想同阿晶,其他同事、前同事對唔住,因為呢件事影響咗好多無辜嘅人,再見大家,拜拜!」