TVB處境劇《愛·回家之開心速遞》自劇情講述大小姐（林淑敏飾）及熊心如（蘇韻姿飾）撤資退股「天才聯盟補習社」後，一班補習社員工申瑞素（古佩玲飾）、Candy（葉蒨文飾）、面油（羅永健飾）和書蟲（林浩文飾）紛紛面臨失業。不過，申瑞素、Candy、面油已獲安排其他工作，惟飾演書蟲嘅林浩文曾於6月時表示仍等緊安排，自己藉呢段時間考咗個的士牌，又想上戲劇班進修。去到最近有網民發現林浩文真係轉行揸的士。
被網民發現轉行揸的士
不過，申瑞素、Candy、面油已獲安排其他工作，惟飾演書蟲嘅林浩文曾於6月時表示仍等緊安排，自己藉呢段時間考咗個的士牌，又想上戲劇班進修。去到最近有網民發現林浩文真係轉行揸的士。
每朝5點開工 曾被斥「兜路」
林浩文向媒體承認自己的確有兼職做的士司機，指做男人始終要搵多啲錢，已經做咗差不多一個月，每朝早5點開工至下午5點放工，所以宜家好早瞓，清晨4點天未光就起身去攞車。談到做的士司機趣事，林浩文表示有乘客認得佢，於落車時問佢係咪無做《愛·回家》，更直言如果認得佢的話，希望大家上車就同佢講，更可以一齊討論角色及劇情。不過，都有部分乘客直斥佢兜路，林浩文解釋自己唔熟路，又指有乘客直接斥責：「呢啲司機真係唔得！」
舞蹈員出身 曾為郭富城伴舞
現年31歲嘅林浩文以舞蹈員出身，15歲開始跳街舞，擅長HipHop，BreakDance及社交舞等，佢喺2008年無綫節目中曾為郭富城伴舞，之後又於2017年入讀第29期無綫電視藝員訓練班，之後開始參與唔少劇集拍攝，不過飾演閒角居多，最為人熟悉嘅就一定係《愛·回家之開心速遞》書蟲一角。另外，TVB喺2021年拍攝真人騷節目《盛·舞者》，林浩文都係參加者之一。2020年，林浩文曾經以六位數字於新蒲崗開咗一間Party Room，出租用作拍攝、跳舞、開會之用途。至於新劇方面，林浩文表示於《非常檢控觀》飾演游嘉欣哥哥，跟一班孤兒院小朋友長大，周圍偷呃拐騙。問到《愛·回家》角色，佢表示暫時仍然未知道書蟲嘅發展，自己與觀眾一樣咁期待。
原文刊登於 Yahoo 娛樂圈
🎁 amJetso請你睇《焚城》，快Ｄ開APP玩👇 👇
